Um skólann

Tónlistarskólinn í Reykjavík var stofnaður 1930 og er elsti starfandi tónlistarskóli á Íslandi. Stór hluti starfandi tónlistarflytjenda á Íslandi, tónlistarkennara og tónskálda hefur stundað nám við Tónlistarskólann. Þar til Listaháskóli Íslands tók til starfa bauð skólinn upp á kennaradeildir.

Í dag býður Tónlistarskólinn í Reykjavík upp á hefðbundið klassískt nám á flest hljóðfæri og í söng.
Kennarar skólans eru allir með háskólagráðu í tónlist og margir þeirra eru hljóðfæraleikarar í Sinfóníuhljómsveit Íslands. Töluverð áhersla er lögð á tónfræðagreinar í skólanum og sýnir reynslan að nemendur standa vel að vígi í þeim er þeir halda til framhaldsnáms erlendis.

Hljómsveit Tónlistarskólans í Reykjavík heldur tónleika tvisvar á ári og gefst nemendum tækifæri á að keppa um að koma fram sem einleikarar með hljómsveitinni. Flest undanfarin ár hefur söngdeild skólans sett upp óperusýningu þar sem söngnemendur fá sviðsreynslu, ýmist í stórum eða smáum hlutverkum eða í kór. Hljómsveit skipuð nemendum skólans spilar í þessum sýningum.

Mikil áhersla er lögð á samspil, s.s. klarínettukór og flautukór auk þess sem nemendum gefst tækifæri til að spila ýmis konar kammertónlist.

Í hverri viku eru haldnir svonefndir þriðjudagstónleikar í sal skólans, tvisvar á önn eru tónleikar í Þjóðmenningarhúsinu og píanótónleikar, blásaratónleikar og strengjatónleikar eru fastir liðir auk tónleika með nemendum hvers kennara. Burtfararprófstónleikar og framhaldsstigstónleikar eru nokkrir á hverju ári og nýlega var endurvakin sú hefð að vera með vortónleika Tónlistarskólans.

The Reykjavík College of Music (Tónlistarskólinn í Reykjavík) was founded in 1930 and is Iceland’s oldest music school. For 70 years, until The Iceland Academy of the Arts was founded, the college offered the highest education in music in Iceland.
Most musicians in Iceland, including performers, composers and music teachers, have graduated from The Reykjavík College of Music. After graduation many musicians seek higher education abroad and usually they have been accepted into the second or third year of a Bachelor´s program and in some cases they have gone straight into a Master´s program.
The Reykjavík College of Music offers a thorough education in classical music. All of the teachers have a university degree in music and most of them are employed in the Iceland Symphony Orchestra. There is a great emphasis on theory and students that have graduated from the college and go abroad to study claim that they find that the level here is quite high.
The symphony orchestra of the college gives concerts twice every year and the students get an opportunity to compete for a chance to play a solo with the orchestra. There is a voice department with over 20 students. Once a year there is an operatic production. There is a flute ensemble and a clarinet ensemble and most years there has also been a brass ensemble. There is a great emphasis on chamber music and twice each semester there is a chamber music concert. In addition to this the college students give many concerts, both weekly concerts within the college and larger more “official” concerts.